面對昂貴嘅租金,香港草根階層被迫委身環境惡劣嘅板間房、劏房甚至籠屋。

但係唔好忘記,社會上仲有一班人面對緊更嚴峻嘅生活環境;佢哋連一個可以叫做「屋企」嘅地方都冇,無論風吹雨打、寒冬炎夏,都只可以流落街頭、瑟縮一角。

更甚嘅係,社會上對無家者嘅支援可以話少之又少:政府同權貴通通視無家者為公眾衞生同市容嘅負累,繼而不斷收窄無家者嘅生存空間。

為咗喚起社會對無家者問題嘅關注,大專聯會將喺 呢個星期六日 (7月15、16號) 下午三點至十點 喺 銅鑼灣行人專用區 (SOGO外)設置街站。有興趣知多啲嘅,記得嚟搵我哋喇!

聯會銅鑼灣街站
Tagged on: